LAMATUMBÁ… E XA ESTÁ!

Chegou 2026 e aquí seguimos máis compactos ca nunca. Coas incorporacións de Noel De Dios (batería), Fernando Calvo (guitarra) e Thierry Fernández (teclados), saímos á estrada preparados para activar palcos e facer tremer festivais.

Este ano presentamos a nova xira “LAMATUMBÁ… E XA ESTÁ!”: enerxía bailable a esgalla, a retranca de sempre e as doses xustas de denuncia social. Un paso máis nun camiño que vén de atrás con Lume (para que saia o sol), Paraugas Universal e A Órbita da Banda Hipnótica.

O noso directo é claro e sen descanso: ska, reggae, funky, rock’n’roll, cumbia e todo o necesario para sacar o público do chan dende o primeiro tema. Concertos intensos, feitos para horarios quentes, noites longas e xente con ganas de festa de verdade.

Vimos sumar tensión, baile e memoria colectiva.

Este verán vai quente.
LUME!